Xəzər Universiteti Təbiət elmləri, sənət və texnologiya yüksək təhsil fakültəsi və İqtisadiyyat və menecment departamentinin təşkilatçılığı ilə 2026-cı il mayın 21-də doktorant Murad Əliyevin “Müasir liderliyin anatomiyası: Lider və menecer arasındakı fərqlər və trendlər” mövzusunda seminarı keçirilib.

Məruzəçi “2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı” çərçivəsində Azərbaycan Respublikası Elm və Təhsil Nazirliyi və Xəzər Universiteti ilə üçtərəfli müqavilə əsasında Türkiyənin İstanbul Universitetində “Biznes” ixtisası üzrə doktorantura təhsili alır.

Seminarda ənənəvi idarəetmənin qaydaları qorumaq və tapşırıqları icra etmək üzərində qurulduğu bildirilib, lakin bu günün dəyişən iş mühitində hibrid iş modelləri, süni intellekt və artan qeyri-müəyyənlik şəraitində liderin yalnız sistemi idarə edən deyil, həmçinin, insanları ilhamlandıran və dəyişikliyə uyğunlaşan olmasının  lazım gəldiyi vurğulanıb.