Xəzər Universitetinin Neft-qaz mühəndisliyi departamentinin təşkilatçılığı və  departament müdiri Dr. Elvin Əhmədovun rəhbərliyi ilə 4-cü kurs tələbələri "Bibiheybətneft" NQÇİ-də ekskursiyada olmuşlar. Səfər zamanı NQÇİ-nin mədən ərazisini, açıq sahədə tarixi neft muzeyini və neft rezervuarları parkına ekskursiyalar təşkil olunmuşdur. Dr. Elvin Əhmədov və “Bibiheybətneft” NQÇİ-nin səlahiyyətli nümayəndələri və əməkdaşları tələbələrimizi neft-qaz çıxarma tariximizin başlanğıcı olan ilk neft quyusu, mədən və təmir prosesləri və neft-yığım prosesi ilə tanış etdilər. İdarənin neft-qaz hasilatı prosesləri  tələbələrimizə əyani şəkildə izah edildi. Xüsuslilə sonuncu kurs tələbələri üçün çox zəruri və faydalı səfər oldu. 

Ekskursiyanın sonunda İdarənin rəhbəri Nasir Xalıqov tələbələrlə səmimi söhbət edərək, öz dəyərli tövsiyələrini onlara bildirdi. 

Bu gözəl qarşılama və təşkilatçılığa görə başda İdarə rəisi Nasir müəllim, Rauf müəllim olmaqla, “Bibiheybətneft” NQÇİ-nin kollektivinə dərin təşəkkür edirik.