2016-cı il aprelin2-si və 3-də Bakı şəhərində “Akademi Qrup”un təşkilatçılığı ilə Türkiyə Universitetlərinin təhsil sərgisi keçirildi. Sərgidə Tükiyədən çoxlu sayda universitet – Boğaziçi, Bilkent, İstanbul­-Aydın, Fatih, Kahramanmaraş Sütçü İmam və digər universitetlər iştirak edirdi. Sərgidə Azərbaycandan isə yalnız Xəzər Universiteti təmsil olunurdu. Sərgiyə gələn çoxsaylı ziyarətçilər Xəzər Universiteti və oradakı fakültələrlə əlaqədar olaraq geniş məlumat almaq imkanı əldə etdilər. Əməkdaşlarımız Aysel Əkbərova və Sevinc Şəfiyeva nümunəvi davranışları ilə Xəzər Universiteti üçün ayrılmış guşədə şagirdlərin, valideynlərin və media mənsublarının diqqətini cəlb etdilər. Onlar sərginin təşkilatçıları tərəfindən təşəkkürə layiq görüldülər. Elə həmin gün Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı və İctimai əlaqələr və media üzrə direktor Əlövsət Əmirbəyli sərgini ziyarət etdilər, sərgidə iştirak edən universitetlərin nümayəndələri ilə görüşdülər.

Həmin gün “Akademi Qrup” tərəfindən sərgidə iştirak edən qonaqların şərəfinə ziyafət verildi. Ziyafətdə Xəzər Universiteti adından Ə.Əmirbəyli iştirak etdi.