2026-cı il iyunun 1-də İsrail Dövlətinin Azərbaycandakı fövqəladə və səlahiyyətli  səfiri  Ronen Krausz, səfirin müavini  Aviv Zell və səfirliyin nümayəndəsi Xəzər Universitetində olublar.

Universitetin rektoru Dr. Raziyə  İsayeva və Beynəlxalq əlaqələr şöbəsinin müdiri Dr. Firuz Süleymanovun iştirakı ilə qonaqlarla görüş keçirilib.

Görüş zamanı Xəzər Universiteti ilə İsrailin ali təhsil müəssisələri arasında əməkdaşlıq imkanları, akademik və elmi əlaqələrin inkişaf etdirilməsi, tələbə və əməkdaş mübadiləsi perspektivləri, eləcə də gələcək tərəfdaşlıq istiqamətləri ətrafında fikir mübadiləsi aparılıb. Tərəflər qarşılıqlı maraq doğuran sahələr üzrə əməkdaşlığın genişləndirilməsinin əhəmiyyətini vurğulayıb və birgə fəaliyyət imkanlarını müzakirə ediblər.