Xəzər Universiteti Psixologiya departamentinin müəllimi Gülşən Əliyeva European Scientific Institute tərəfindən təşkil edilən “Doktoranturadan sonrakı proqram” (postdoctoral program) çərçivəsində 2026-cı il mayın 11- dən 20-dək Macarıstanın Budapeşt Metropolitan Universitetində dərslərdə iştirak etmiş və eyni zamanda, elmi tədqiqat işinin nəticələri ilə çıxış etmişdir. G.Əliyeva  elmi rəhbər və məsləhətçi Budapeşt Metropolitan Universitetinin Təhsil departamentinin professoru Dr.Vilmos Vass və həmçinin, Biznes, kommunikasiya və turizm fakültəsi dekanı professor Dr.Viktor Friedmannın məruzələrində də iştirak etmiş, ali təhsil müəssisələrində çalışan müəllimlərin peşəkarlığı mövzusunda fikir mübadiləsinə  qatılmışdır.

G.Əliyevanın tədqiqat işi XXI əsr ali təhsil müəllimlərinin peşəkarlığının ölçülməsinə həsr edilmişdir (21^st century competence structures model of university teachers: mapping teachers and students views). Tədqiqat zamanı problemin öyrənilməsində kəmiyyət və keyfiyyət təhlilləri aparılmışdır. Xüsusi olaraq qeyd etmək lazımdır ki, müəllimlərlə birgə, tələbələrin də yanaşmalarının təhlilinə əsaslanmış araşdırmada müəllim peşəkarlığının akademik tərəfləri ilə yanaşı, sosial-emosional bacarıqları, idarəçilik üslubları və müasir texnologiyalardan istifadə imkanları müqayisəli şəkildə təhlil edilmişdir. Aşağı peşəkarlığın müşahidə olunduğu  vəziyyətlər fərqləndirilmiş, bu cür halların aradan qaldırılması üçün müvafiq tövsiyyələr verilmişdir.

Tədqiqat işinin nəticələri əsasında hazırlanmış məqalə isə humanitar və sosial elmlər sahəsində ERIH PLUS indexinə sahib Polşanın “Futurity Education” jurnalında nəşr edilmişdir. Jurnal və məqalə ilə bağlı geniş məlumat aşağıdakı linklərdə:

https://futurity-education.com/index.php/fed/indexing

https://futurity-education.com/index.php/fed/article/view/583