Xəzər Universitetində İbtidai sinif müəllimliyi ixtisasının I kurs tələbələri 2026 – cı il yaz semestri üzrə Azərbaycan ədəbiyyatı fənni çərçivəsində hazırladıqları layihə işlərini təqdim ediblər.

 F.ü.f.d. İlkiyyə Hacıyevanın rəhbərliyi ilə həyata keçirilən layihələrə uyğun tələbələr M.F.Axundzadənin “Hekayəti-müsyö Jordan həkimi-nəbatat və dərviş Məstəli şah caduküni-məşhur”, N.Vəzirovun “Müsibəti-Fəxrəddin”, H.Cavidin “Ana”, Anarın “Keçən ilin son gecəsi” və F.Mustafanın “Müqəvva” əsərlərini səhnələşdiriblər.

Tələbələr həmçinin, Ü.Hacıbəylinin “Arşın mal alan” və “O olmasın, bu olsun” operettaları əsasında videoçarxlar hazırlayıblar. Əsərlərin tələbinə uyğun olaraq, müxtəlif məkanlarda aparılan çəkilişlər auditoriyada təqdim edilib və  müvafiq meyarlar əsasında qiymətləndirilib.

Qiymətləndirmə zamanı əsərin ideya və məzmununun mənimsənilməsi, rejissor və səhnə işi, aktyor oyunu, təqdimat bacarığı, yaradıcılıq və orijinallıq kimi meyarlar əsas götürülüb.