Xəzər  Universitetində 2026-cı il mayın 25- də Azərbaycan ədəbiyyatı fənni çərçivəsində Xəzər Universitetinin təsisçisi, Direktorlar və Qəyyumlar Şurasının sədri Prof.Akad. Hamlet İsaxanlının yaradıcılığına həsr olunmuş açıq dərs keçirilib. F.ü.f.d. Gülşanə Xudiyevanın tədris etdiyi dərsdə Prof.Akad. Hamlet İsaxanlı tələbələrlə görüşərək, poeziyası və yeni çap olunmuş “Dəli Ceyran” romanı haqqında fikirlərini bölüşüb.

 Tədbirdə Humanitar, təhsil və sosial elmlər fakültəsinin dekanı Dr. Milana Abbasova, Dillər və ədəbiyyatlar departamentinin müdiri Dos. Dilbər Zeynalova və Hamlet İsaxanlının assistenti Dilarə Məstəliyeva da  iştirak edib.

Dərs çərçivəsində tərcümə ixtisasının tələbələri Zeynəb Hacıyeva və Nəzrin Əhmədli Hamlet İsaxanlının yaradıcılığı haqqında Azərbaycan və ingilis dillərində təqdimatlarla çıxış ediblər. Bədii hissədə Nəzrin Əhmədli şairin “Mən ki sənə demişdim” şeirini səsləndirib, Fəxriyyə Nağıyeva isə  Nailəxanım  İsayevanın  bəstələdiyi “Lalə” mahnısının sədaları altında rəqs nömrəsi ifa edib.

 Tələbələrdən Qəmər Səlimzadə, Cansu Bədirzadə və Kübra Nağızadənin iştirakı ilə şairin “Dedim-dedi”, “Səni sevdim çox sadəcə” və “Sevənlərə” şeirləri əsasında hazırlanmış səhnəciklər təqdim  olunub.

 Sonda “Dəli Ceyran” romanı ətrafında müzakirə aparılıb, tələbələrin sualları cavablandırılıb.