2026-cı il mayın 25-də Xəzər Universitetində finlandiyalı tərəfdaşların növbəti seminarı olub. Seminar ““Akademiya daxilində və ondan kənarda əməkdaşlıq – etimad mədəniyyəti, intellektual mülkiyyət hüquqları və nəticələrin açıqlığı”” mövzusuna həsr olunub və universitet–sənaye əməkdaşlığı kontekstində etimad mədəniyyəti, intellektual mülkiyyət hüquqları və tədqiqat nəticələrinin açıqlığı məsələlərini əhatə edib.

Xəzər Universitetinin Kitabxana-İnformasiya Mərkəzinin direktoru Aytac Misgərlinin moderatorluğu ilə keçirilən  seminarın təqdimatçıları Jyväskylä Universitetinin nümayəndələri Kati Clements və Saana Mehtälä olub.

Təqdimat zamanı institutların missiyaları, hüquqi çərçivələr, universitet və sənaye arasında əməkdaşlığın praktiki formaları, eləcə də DIRNA seminar silsiləsi üzrə gələcək fəaliyyətlərin planlaşdırılması müzakirə edilib. Xüsusilə əməkdaşlıq proseslərində etimadın rolu, fərdi və institusional amillərin təsiri, həmçinin bilik mübadiləsində açıq nəticə siyasətinin əhəmiyyəti vurğulanıb.