Xəzər Universitetinin rektoru Dr. Raziyə İsayeva və Karyera və Məzunlar Mərkəzinin direktoru Zərifə Əliyevanın 2026-cı il mayın 22- də universitetin müxtəlif illər üzrə məzunları ilə növbəti işgüzar görüşü olub.

Görüşdə məzunlardan  Asəf Məmmədov ( Azərbaycan Respublikası Mərkəzi Bankının Lisenziyalaşdırma və Qiymətli Kağızların Qeydiyyatı şöbəsinin rəhbəri), Elnur Bədəlov (PASHA Investments, İnvestisiya direktoru), Ceyhun Əliyev ( Azər-Türk bank ASC, şöbə rəisi), Rafiq Yolçuyev ( PASHA Property Management, PASHA Real Estate Group-da İT direktoru), Aslan Aslanlı  ( DevOps və Platforma üzrə aparıcı mühəndis), Ayaz Abdulla  (İnsan resursları üzrə rəhbər mütəxəssis),  Ülkər Hüseynova ( Nizami Rayon Sukanal İdarəsi, İnsan Resursları və kargüzarlıq şöbəsinin rəisi) iştirak ediblər.

Görüş zamanı rektor Dr. Raziyə İsayeva universitet–məzun əlaqələrinin gücləndirilməsinin əhəmiyyətindən, məzunlarla birgə əməkdaşlıq imkanlarından, ortaq layihələrin həyata keçirilməsindən və tələbələrin inkişafına yönəlmiş təşəbbüslərdən danışıb. Məzunların fikir, təklif və ideyaları dinlənilib.  

Səmimi şəraitdə keçən görüş zamanı məzunlar öz təcrübələrini bölüşərək, universitetlə əməkdaşlığın gələcəkdə daha da genişləndirilməsinə dair təkliflərini bildiriblər.  Universitet rəhbərliyi tərəfindən məzunların müxtəlif sahələrdə əldə etdikləri uğurların  yüksək qiymətləndirildiyi qeyd edilib.