Xəzər Universitetinin  bölgələrdə həyata keçirdiyi təşviqat fəaliyyətləri çərçivəsində İqtisadiyyat və menecment fakültəsi tərəfindən 2026-cı il mayın 25- də Balakən rayonunda tədbir təşkil olunmuşdur.

Tədbirin əsas məqsədi Xəzər Universitetinin tanıdılması, abituriyentlərlə ünsiyyətin gücləndirilməsi və universitetin 35 illik yubileyinin təşviqi olmuşdur.

Tədbirin açılışında Tədrisdə İnnovasiyalar Mərkəzinin direktoru Nurlan Orucov çıxış etmişdir. İqtisadiyyat və menecment departamentinin koordinatoru Polad Orucov tərəfindən universitet haqqında geniş təqdimat edilmiş, fakültənin  Balakən rayonundan olan II kurs tələbəsi Şəfiqə Çiraqinin çıxışı dinlənilmişdir. Tədbirin sonunda isə universitetin 35 illik yubileyinə həsr olunmuş film nümayiş olunmuşdur.