Xəzər Universitetinin rektoru Dr. Raziyə  İsayeva 2026-cı il mayın 25-də “Afrika Günü”nə həsr olunmuş beynəlxalq konfransda iştirak edib. Azərbaycan Respublikasının Xarici İşlər Nazirliyinin təşkilatçılığı ilə keçirilən tədbirdə Afrika qitəsi ölkələrinin Azərbaycanda akkreditə olunmuş səfirləri, Milli Məclisin deputatları, dövlət qurumlarının nümayəndələri, ali təhsil müəssisələrinin rəhbərləri, ekspertlər və Azərbaycanda təhsil alan afrikalı tələbələr iştirak ediblər. Xəzər Universitetində təhsil alan afrikalı tələbələr də konfransda olublar.

Açılış mərasimində Azərbaycan Respublikasının xarici işlər naziri  Ceyhun Bayramov, elm və təhsil naziri Emin Əmrullayev, Afrika İttifaqının yüksək səviyyəli nümayəndəsi (onlayn formatda) və Mərakeş Krallığının Azərbaycandakı fövqəladə və səlahiyyətli səfiri, Diplomatik Korpusun dekanı  Adil Embarch çıxış ediblər.

Konfrans çərçivəsində “Azərbaycan–Afrika münasibətləri: mövcud dinamika və strateji potensial” və “Gündəm 2063 və Afrikanın beynəlxalq münasibətlər sistemində artan rolu” mövzularında panel müzakirələri təşkil olunub.

Tədbirdə, həmçinin, “ASAN xidmət”in Afrika ölkələrində həyata keçirdiyi fəaliyyətlə bağlı təqdimat da olub.

Qeyd edək ki, “Afrika Günü” hər il mayın 25-də Afrika İttifaqının yaradılması münasibətilə beynəlxalq səviyyədə qeyd olunur.