Xəzər Universitetinin tələbələri ilə 2026-cı il mayın 15- də  Türkiyənin Kafkas Universitetinin nümayəndələri arasında görüş keçirilib.

Kafkaz Universitetinin prorektoru Prof. Səlcuk Ural və Çağdaş Türk ləhçələri və ədəbiyyatları (Azərbaycan türkcəsi və ədəbiyyatı) departamentinin müdiri Prof. İlkin Qulusoyun iştirak etdiyi görüş Dillər və ədəbiyyatlar departamentinin müəllimi Maral Əsgərovanın tədris etdiyi “Türk ləhcələrinin müqayisəli qrammatikası” fənni çərçivəsində təşkil olunub. Tədbirdə həmçinin,  Dillər və ədəbiyyatlar departamentinin müdiri Dos. Dilbər Zeynalova da iştirak edib.

Filologiya (Azərbaycan dili və ədəbiyyatı) ixtisası üzrə təhsil alan tələbələrlə keçirilən görüş zamanı türk dillərinin tarixi inkişaf mərhələləri, müasir türkoloji tədqiqatların əsas istiqamətləri, türk ləhcələrinin müqayisəli şəkildə öyrənilməsinin əhəmiyyəti və Azərbaycan–Türkiyə elmi-mədəni əlaqələrinin perspektivləri ətrafında fikir mübadiləsi aparılıb. Qonaqlar tələbələrin suallarını cavablandıraraq,  akademik təcrübələrini bölüşüblər.