2026-cı il mayın 8- də Xəzər Universitetində Beynəlxalq əlaqələr şöbəsinin təşkilatçılığı ilə Şimali Kipr Türk Respublikasının Girne Amerikan Universitetinin nümayəndə heyəti ilə görüş keçirilib.

Görüşdə Girne Amerikan Universitetinin rektoru Prof. Dr. Serdar Yurtsever, baş katib Aylin Ayhan, rektorun köməkçisi və müşaviri Celal Sakka, Biznesin idarə edilməsi fakültəsinin dosentləri Fatih Dikmen və Almula Umay Karamanlıoğlu iştirak ediblər. Xəzər Universitetini Tədris işləri üzrə prorektor Prof. Məhəmməd Nuriyev, Keyfiyyətin Təminatı Mərkəzinin direktoru Lyudmila Sotova, İqtisadiyyat və biznes yüksək təhsil fakültəsinin dekanı Dr. İnqilab Əhmədov, İqtisadiyyat və menecment fakültəsinin dekanı Dr. Dilarə Rəsulova və Beynəlxalq əlaqələr şöbəsinin müdiri Dr. Firuz Süleymanov təmsil ediblər.

Tərəflər arasında keçirilən görüşdə universitetlərarası əməkdaşlığın genişləndirilməsi, tələbə və akademik mübadilə imkanlarının artırılması, eləcə də gələcək birgə fəaliyyət perspektivləri ətrafında müzakirələr aparılıb.

Görüşdə Xəzər Universiteti haqqında təqdimat edilib, qonaqlara universitetin fəaliyyəti, beynəlxalq əlaqələri və tələbələr üçün yaratdığı imkanlar barədə  ətraflı məlumat verilib.