Xəzər Universitetində “Hotel Management” fənni çərçivəsində 3-cü kurs tələbələri üçün 2026-cı il mayın 14- də  növbəti qonaq mühazirəsi  təşkil olunub. Dərsin qonağı Ərgün Salamov olub. Tədbir fənn müəllimi Könül Nuriyeva tərəfindən təşkil edilib.

20 ildən artıq təcrübəyə malik olan və hazırda Ulu Hospitality Group-da Kommersiya direktoru vəzifəsində çalışan Ərgün Salamov satış, marketinq və əməliyyat idarəçiliyi sahəsində geniş təcrübəyə malikdir. O, karyerası boyunca müxtəlif  layihələrdə çalışaraq, sektorun inkişafı, müştəri təcrübəsinin yaxşılaşdırılması və kommersiya strategiyalarının formalaşdırılması istiqamətində fəaliyyət göstərmişdir.

Qonaq mühazirə zamanı tələbələrə əmək bazarına daxilolma yolları, sektorda karyera planlaması və inkişaf mərhələləri barədə məlumat verib. O, həmçinin, satış və marketinq strategiyalarının hotel biznesində rolu, müştəri məmnuniyyətinin artırılması və düzgün kommersiya yanaşmalarının tətbiqi haqqında danışıb. Ərgün Salamov öz karyerası ərzində qarşılaşdığı maraqlı və yaddaqalan məqamları  bölüşərək,  real hotelçilik mühitində qərarvermə proseslərinin əhəmiyyətini izah edib.

İnteraktiv formada keçən görüş tələbələr tərəfindən böyük maraqla qarşılanıb.