2026-cı il mayın 14- də Türkiyənin Kafkas Universiteti  nümayəndələrindən prorektor Prof. Selcuk Ural və Çağdaş türk ləhcələri və ədəbiyyatları (Azərbaycan türkcəsi və ədəbiyyatı) departamentinin müdiri Prof. İlkin Qulusoy Xəzər Universitetində olublar.

 Qonaqlar Xəzər Universitetinin təsisçisi, Direktorlar və Qəyyumlar Şurasının sədri Prof.Akad. Hamlet İsaxanlı ilə görüşüblər. Görüşdə  Dillər və ədəbiyyatlar departamentinin müdiri  Dos. Dilbər Zeynalova da iştirak edib.

 Səmimi və işgüzar şəraitdə keçən görüş zamanı iki ali təhsil müəssisəsi arasındakı mövcud əlaqələrin genişləndirilməsi, elmi və akademik əməkdaşlıq imkanlarının inkişafı, həmçinin, gələcək perspektivlər barədə müzakirələr aparılıb. Tərəflər əməkdaşlığın və ortaq layihələrin hər iki universitet üçün mühüm əhəmiyyət daşıdığını vurğulayıblar.