Xəzər Universitetinin müəllimi Şəfiqə Yusupova 2026-cı il mayın 4–8- də  Erasmus+ proqramı çərçivəsində Türkiyənin Bartın Universitetində akademik görüşdə olub.

Erasmus+ Ders Verme Hareketliliyi proqramı çərçivəsində həyata keçirilən səfər zamanı Şəfiqə Yusupova tələbələrə həm akademik, həm də mədəni əlaqələrin qurulmasından bəhs edib.

Proqram çərçivəsində keçirilən görüş və seminarlar zamanı Şəfiqə Yusupova qrafik sənətlərin tarixi sahəsindəki biliklərini Azərbaycanın zəngin mədəni irsi ilə birləşdirərək tələbələrlə   bölüşüb. Azərbaycanın ənənəvi ornamentləri, milli motivləri və sənət anlayışı ilə bağlı praktik çalışmalar olub.

Səfər çərçivəsində tələbələr Azərbaycan mədəniyyəti və incəsənəti haqqında daha yaxından məlumat əldə etmək imkanı qazanıblar. Keçirilən müzakirələr və praktik fəaliyyətlər iştirakçılar tərəfindən  maraqla qarşılanıb.

Bu akademik səfər Xəzər Universitetinin beynəlxalq əməkdaşlıq və beynəlmiləlləşmə strategiyası çərçivəsində Türkiyə universitetləri ilə əlaqələrinin daha da möhkəmlənməsinə xidmət edir.

https://resimis.bartin.edu.tr/haberler/erasmus-kapsaminda-hazar-universitesinden-bolumumuze-renkli-ziyaret.html