Azərbaycan Milli Konservatoriyasının Fikrət Əmirov adına Konsert zalında 2026-cı il aprelin 23-də görkəmli bəstəkar, Əməkdar incəsənət xadimi, Xəzər Universitetinin professoru Cavanşir Quliyevin 75 illik yubileyi çərçivəsində “Bura Vətəndir” adlı konsert olub.

Bəstəkarın həyat və yaradıcılığını əks etdirən videoçarx nümayiş edilib.

Tədbiri Azərbaycan Milli Konservatoriyasının Elm, Yaradıcılıq və Beynəlxalq Əlaqələr Mərkəzinin rəhbəri, sənətşünaslıq üzrə fəlsəfə doktoru Gülnarə Manafova aparıb.

Tədbirdə Xəzər Universitetinin təsisçisi, Direktorlar və Qəyyumlar Şurasının sədri Prof.Akad. Hamlet İsaxanlı, Xəzər Universitetinin Musiqi və incəsənət departamentinin müdiri, Əməkdar müəllim, pianoçu Zülfiyyə Sadıqova və Xəzər Universitetinin professoru, politoloq Ramiz Yunus iştirak ediblər.

Konsertdə Əməkdar artistlər Bəyimxanım Vəliyeva, Lalə Məmmədova, Emil Əfrasiyab, Nurlan Növrəsli, həmçinin, ifaçılar Mətanət Azmanlı, Zərrin Əliyeva, Ümid Mustafazadə, Sabinə Həsənzadə, Fatimə Əlizadə və Ramil Abbasov çıxış ediblər.

Əməkdar incəsənət xadimi, bəstəkar Cavanşir Quliyev tədbirin təşkilinə görə, Azərbaycan Milli Konservatoriyasının rəhbərliyinə və əməkdaşlarına təşəkkürünü bildirib, yubiley tədbirləri çərçivəsində keçirilən konsertlərin önəmli olduğunu və bugünkü sənət görüşünün də milli musiqi yaddaşında xüsusi iz buraxacağını vurğulayıb.