Xəzər Universitetinin İngilis dili və ədəbiyyatı departamentinin professoru Semanta Körlün "Ədalət və ikinci dildə motivasiya şəbəkəsi: ingilis dilini öyrənənlərin motivasiyası, məqsəd istiqaməti, düşüncə tərzi və sinif mühitindəki ədalətin EBICglasso əsaslı təhlili" adlı məqaləsi (həmmüəllif) Elsevier nəşriyyatının  beynəlxalq şəkildə tanınmış Acta Psychologica jurnalında (cild 267, 2026) nəşr olunub.

Tədqiqat şəbəkə psixometrik yanaşmasından istifadə edərək, ingilis dilini xarici dil kimi (EFL) öyrənənlər arasında ikinci dil (L2) motivasiyası ilə sinif mühitindəki ədalət arasındakı əlaqəni araşdırır. 434 türk bakalavr tələbəsindən toplanmış məlumatlara əsaslanan iş, motivasiya amilləri, düşüncə tərzi, narahatlıq və ədalətlilik qavrayışlarının dil öyrənmə prosesində bir-biri ilə necə qarşılıqlı əlaqədə olduğunu tədqiq edir.

Tədqiqat öyrənənlərin cəlb edilməsini və motivasiyasını artırmaqda ədalətli və dəstəkləyici sinif mühitlərinin əhəmiyyətini ön plana çəkərək, ikinci dilin öyrənilməsi sahəsindəki mövcud tədqiqatlara töhfə verir.

Məqalə ilə aşağıdakı keçid vasitəsilə tanış olmaq mümkündür: https://www.sciencedirect.com/science/article/pii/S0001691826006475