Xəzər Universitetinin Neft-qaz mühəndisliyi departamentinin müdiri Dr. Elvin Əhmədov Sivas Cümhuriyyət Universitetinin professoru Dr. Nazan Yalçın Erik tərəfindən "Uğur Açarı" adlı TEDx məruzəsi üçün  Türkiyənin Sivas şəhərinə dəvət olunub.

Səfər çərçivəsində Dr. Elvin Əhmədov universitetin Mühəndislik bölməsinin dekanı Prof. Dr. Nevcihan Gürsoy və bir sıra rəsmilərlə görüş keçirib. Prof. Dr. Nazan Yalçın Erik ilə birlikdə universitetin Geoloji bölməsindəki laboratoriyalar, geologiya muzeyi və fakültənin robototexnika laboratoriyaları ilə tanış olub. 

Maraqlı məruzədən sonra Dr. Elvin Əhmədova universitetin təşəkkürnaməsi təqdim edilib.

E. Əhmədov təşkilatçılığa görə universitet rəsmilərinə öz dərin minnətdarlığını bildirərək, tələbələrə "Uğur Açarı" kitabını hədiyyə edib.

Sivas Cümhuriyət Universitetində yeni əməkdaşlıq istiqamətləri müzakirə olunaraq, davamlı şəkildə bu cür tədbirlərin təşkil olunması faydalı hesab edilib.  Həmçinin, yeni əməkdaşlıq istiqamətlərinin inkişaf etdirilməsi vurğulanıb.

Növbəti səfər Qazaxıstana olub.  Dr. Elvin Əhmədov Qazaxıstanın Atırau şəhərində Qazaxıstan Neftçi Geoloqları Cəmiyyəti tərəfindən keçirilən Beynəlxalq Geologiya Konfransında Xəzər Universitetini təmsil edib. O, “Azərbaycanda karbohidrogen ehtiyatlarının və resurslarının idarə olunması sisteminin transformasiyasının işlənməsi” mövzusunda məruzə ilə çıxış edib.  Mövzu geniş müzakirə olunub. Qazaxıstan Neftçi Geoloqları Cəmiyyətinin prezidenti professor Mansiya Babaşeva Dr. Elvin Əhmədova Qazaxıstanın atributlarını əks etdirən milli geyimi təqdim edib. 

Tədbirin davamı olaraq, Elvin Əhmədov Atırau Neft-qaz Universitetinə dəvət olunub, və universitetin tədris və tədqiqat bazaları ilə tanış olub. Universitetin rektoru Nurken Axmetov, professor Sofia Nursultanova, dosent Aliyə Abilqaziyeva və universitetin digər nümayəndələri ilə birlikdə dəyirmi masa ətrafında əməkdaşlıq istiqamətləri və imkanlar müzakirə olunaraq, təkliflər səsləndirilib.