Azərbaycan Respublikası Prezidentinin 22 dekbar 2025-ci il tarixli Sərəncamına əsasən 2026-cı il “Memarlıq və Şəhərsalma ili” elan edilmişdir. Bu münasibətlə  Xəzər Universitetində silsilə tədbirlər planı həyata keçirilir. 2026-cı il mayın 6-da universitetinin Dillər və ədəbiyyatlar departamentinin dosenti Ülvi Babasoyun dərsi “Ədəbiyyat və memarlıq” mövzusuna həsr olunmuşdur. Dos. Ülvi Babasoy memarlıq və ədəbiyyata multidisplinar kontekstdə yanaşmış, bu iki fərqli sənət disiplinini vahid estetik çətir altına yığan tendensiyalar tələbələrin sualları ilə geniş şəkildə müzakirə edilmişdir. Narrativ memarlıq mövzusu tələbələrin diqqətini cəlb etmiş, memarlıq və ədəbiyyatın özünüifadə üsulları təhlil edilmişdir. Bakı və Qarabağ memarlığının Azərbaycan ədəbiyyatında inikası da müzakirəyə cəlb edilmişdir.