Xəzər Universitetinin Tarix və arxeologiya departamentinin müəllimi Kəmalə Mustafayevanın rəhbərliyi ilə Təbiət elmləri və mühəndislik fakültəsinin birinci il tələbələri 2026-cı il mayın 2-də Nəriman Nərimanovun Xatirə Muzeyi və Arxeologiya və Antropologiya Muzeyində olublar. Muzey əməkdaşları  tələbələrə  Nəriman Nərimanovun siyasi, ədəbi və həkim fəalliyyəti haqqında geniş məlumat veriblər. Arxeologiya və Antropologiya Muzeyində könüllü olaraq çalışan “Xəzər”in  Humanitar, təhsil və sosial elmlər fakültəsinin Tarix müəllimliyi ixtisasının üçüncü il tələbəsi Abdul Kazımlı tələbələri Azərbaycanın Paleolit dövründən Orta əsrlərə qədər olan maddi mədəniyyət nümunələri, arxeoloji və antropoloji tapıntılarla tanış edib və tarixi-mədəni irsimizdən ətraflı danışıb.

Sonra tələbələrə İstiqlal küçəsi boyu yerləşən tarixi binalar - keçmiş Bakı Şəhər Duması, Hacı Zeynalabdin Tağıyevin Qızlar məktəbi, Müqəddəs Nina qız gimnaziyası və İsmailiyyə Sarayı kimi tarixi binalar haqqında geniş məlumat verilib.  

Muzeylərlə tanışlıq  tələbələrin marağına səbəb olub.