Xəzər Universitetinin rektoru Dr. Raziyə İsayeva 2026-cı il aprelin 23-də Gəncə şəhəri, Heydər Əliyev Mərkəzində “I GreenEco International Forum”unda iştirak edib. Forum yaşıl iqtisadiyyat, dayanıqlı inkişaf və aqrar sahədə beynəlxalq əməkdaşlıq mövzularına həsr edilib.

Azərbaycan Dövlət Aqrar Universitetinin rektoru Zəfər Qurbanov, Gəncə Şəhər İcra Hakimiyyəti başçısının müavini Adil Tağıyev, Kənd Təsərrüfatı nazirinin müavini Elçin Zeynalov, FAO-nun Azərbaycandakı nümayəndəsi və tərəfdaşlıq və əlaqələndirmə ofisinin rəhbəri Muhamməd Nasar Hayat, Milli Məclisin deputatı Rizvan Nəbiyev, Azərbaycan Texniki Universitetinin rektoru Vilayət Vəliyev, Bakı Slavyan Universitetinin rektoru Anar Nağıyev, Mingəçevir Dövlət Universitetinin rektoru Anar Eminov, Xəzər Universitetinin rektoru Raziyə İsayeva və Macarıstan Kənd Təsərrüfatı və Həyat Elmləri Universitetinin (MATE)  rektoru Csaba Gyuricza (video müraciət vasitəsilə) çıxış ediblər.

Forum çərçivəsində “Green Concepts in Science and Education” mövzusunda panel təşkil olunub. Paneldə Azərbaycan Texniki Universitetinin rektoru Vilayət Vəliyev, Bakı Slavyan Universitetinin rektoru Anar Nağıyev, Mingəçevir Dövlət Universitetinin rektoru Anar Eminov və Xəzər Universitetinin rektoru Raziyə İsayeva çıxış edərək, elm və təhsildə yaşıl yanaşmaların tətbiqi məsələlərini müzakirə ediblər.

Forum iştirakçıları tədbirin yaşıl iqtisadiyyatın təşviqi, təhsil və aqrar sahədə innovativ yanaşmaların inkişafı, eləcə də beynəlxalq tərəfdaşlıqların genişləndirilməsi baxımından əhəmiyyətini vurğulayıblar.