“2022–2028-ci illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı” çərçivəsində Azərbaycan Respublikası Elm və Təhsil Nazirliyi və Xəzər Universiteti ilə bağlanmış üçtərəfli müqavilə əsasında İngiltərənin Qlazqo Universitetində təhsil alan doktorant Ülkər İmanzadənin iştirakı ilə 2026-cı il aprelin 6-da seminar təşkil olunub. Xəzər Universitetinin Təbiət elmləri, sənət və texnologiya yüksək təhsil fakültəsi və Təhsil departamentinin təşkilatçılığı ilə keçirilən seminar “Təhsildə süni intellektə baxışlar: tələbələrin və akademiklərin fikirləri” mövzusuna həsr edilib.

Doktorant Ülkər İmanzadə  mövzu ilə bağlı çıxış edərək, süni intellektin təhsildə rolu və təsiri, eyni zamanda, akademik heyətin və tələbələrin süni intellektə yanaşması barədə  məlumat verib. Seminarın sonunda müəllimlər və tələbələr mövzunu müzakirə ediblər.