2026 - cı il aprelin 25- də  Azərbaycan Yazıçılar Birliyində Özbəkistanın Xalq şairi, Özbəkistan Yazıçılar Birliyinin sədri Siracəddin Səyyidin “Vaxt heykəli” kitabının təqdimat mərasimi keçirilib. Tədbir iki əsas hissədən ibarət olub: rəsmi çıxışlar və kitabın təqdimatı.

    Rəsmi hissədə müəllifin yaradıcılığı, Özbəkistan ədəbi mühitində tutduğu mövqe, Azərbaycanla olan mədəni əlaqələr barədə danışılıb. Təqdimat mərhələsində şairin “Vaxt heykəli” kitabının məzmunu, bədii - estetik dəyərləri haqqında fikirlər söylənib, müzakirə aparılıb. Xəzər Universitetinin Təbiət elmləri sənət və texnologiya yüksək təhsil fakültəsinin Azərbaycan ədəbiyyatı ixtisası üzrə I kurs magistrantları Elvinə Kazımova və Əsmər Əliyeva  (elmi rəhbər “Ümumtürk ədəbiyyatı” fənnini tədris edən fil.e.d. Mehman Həsənli) tədbirdə  iştirak edib, aparılan müzakirələri izləyiblər.