Xəzər Universitetinin  Tarix və arxeologiya departamentinin müdiri, dosent Telman Nüsrətoğlu 2026-cı il mayın 1-də 3 may Türkçülük günü və Türk dünyasının görkəmli ideoloqlarından Ziya Gökalpin anadan olmasının 150 illiyi münasibətilə 2026-cı ilin “Ziya Gökalp ili” elan edilməsi çərçivəsində TRT AVAZ kanalına müsahibə verib.

Departament müdiri çıxışında türklüyün bir şüur, bir yaddaş və bir gələcək məsələsi olduğunu qeyd edib. Bildirib ki, türk dünyasının birliyi yalnız coğrafi məkanların deyil, həm də insanların düşüncə və qəlblərinin birləşməsi ilə mümkündür.

Dosent Telman Nüsrətoğlu həmçinin, qeyd edib ki, Ziya Gökalp türkçülük ideologiyasının əsaslarını sistemli şəkildə ortaya qoyan mütəfəkkirlərdən biridir. Onun “Türkçülüyün əsasları” adlı əsəri türkçülüyün ideoloji təməllərinin formalaşmasında mühüm rol oynayıb. Departament müdiri Ziya Gökalpı milli kimlik, tarix, mədəniyyət və dil amillərini ön plana çəkərək türk dünyasında ortaq şüurun yaranmasına böyük töhfə verən ziyalı kimi dəyərləndirmişdir.

Müsahibənin linki aşağıdadır:

https://www.facebook.com/share/v/1E1PzXq2Li/?mibextid=wwXIfr