2026-cı il martın 19-da Xəzər Universitetində universitet rəhbərliyi və əməkdaşların, müəllimlərin, tələbələrin iştirakı ilə Novruz şənliyi keçirildi. Həmin gün universitetin 35 illik yubileyi münasibətilə keçirilən “Xəzər: məzunların, tələbələrin və gələcəyin görüşdüyü yer” adlı tədbirə dəvət olunmuş məzunlar da şənliyin iştirakçıları idi.

Xəzər Universitetinin təsisçisi, Direktorlar və Qəyyumlar Şurasının sədri Prof. Akad. Hamlet İsaxanlı və universitetin rektoru Dr. Raziyə İsayeva çıxış edərək, böyük Xəzər ailəsini Novruz münasibətilə təbrik etdilər, şəxsi həyatlarında, təhsil və fəaliyyətlərində uğurlar arzuladılar. Məzunlar adından çıxışlar oldu.

Prof. Akad, Hamlet İsaxanlı bayram tonqalını alovlandırdı, iştirakçılar tonqal ətrafında yallı getdilər. Universitetin rəqs və musiqi qrupları konsert proqramı təqdim etdilər.

Bayram şənliyi xoş əhval-ruhiyyə ilə başa çatdı.