Xəzər Universitetinin Siyasi elmlər və Fəlsəfə departamentinin müdiri Dos. Orxan Vəliyevin "Daim yenilik və mükəmməlliyə doğru" adlı yazısı “Xəzər Xəbər” jurnalında (Fevral, 2026-cı il, № 458, səh. 20-23) dərc edilmişdir. 1995-ci ildə universitet qəzeti kimi fəaliyyətə başlayan jurnal hazırda Azərbaycan, ingilis və rus dillərində nəşr olunur və 2010-cu ildən etibarən aylıq 80 səhifəlik rəngli formatda çap edilir.

Məqalədə Xəzər Universitetinin yaranması, inkişaf yolu və Azərbaycan ali təhsil sistemindəki rolu izah olunur. Universitetin 1991-ci ildə müasir təhsil modeli əsasında yaradıldığı, ingilisdilli təhsil, akademik azadlıq və çevik idarəetmə prinsipləri ilə seçildiyi vurğulanır.

Müəllif bu yanaşmaların universitetin inkişafına müsbət təsir göstərdiyini qeyd edir və bu mühitin təşəbbüskarlığı artırdığını, yeni layihələrin həyata keçirilməsinə və beynəlxalq əməkdaşlığın genişlənməsinə imkan yaratdığını bildirir.

Məqaləyə keçid: khazar-review.khazar.org/nomreler/458.pdf