Xəzər Universiteti Psixologiya departamentinin əməkdaşı, Xəzər Psixoloji Xidmət Mərkəzinin psixoloqu Mirsadiq Muxtarov 2026-cı il martın 14-də “Tehsil365” xəbər saytına müsahibə verib. Psixoloq tələbələrin psixoloji problemləri, universitet mühitinə adaptasiya və imtahan dövründə yaşanan stress mövzusunda fikirlərini bölüşüb.

Psixoloq qeyd edib ki, universitetə yeni qəbul olunan tələbələr üçün yeni mühitə uyğunlaşma, sosial adaptasiya və ailədən uzaqda yaşamaq kimi amillər müəyyən psixoloji çətinliklər yarada bilər. Onun sözlərinə görə, adaptasiya proqramları, seminarlar və psixoloji dəstək xidmətləri tələbələrin universitet mühitinə daha tez uyğunlaşmasına kömək edir.

Mirsadiq Muxtarov, həmçinin, bildirib ki, imtahan dövründə tələbələr arasında stress və narahatlıq halları daha çox müşahidə olunur. O vurğulayıb ki, stress müəyyən səviyyədə motivasiya yaratsa da, həddindən artıq gərginlik tələbələrin akademik performansına mənfi təsir göstərə bilər.

Psixoloq əlavə edib ki, universitetlərdə fəaliyyət göstərən psixoloji xidmətlər tələbələrin psixi sağlamlığının qorunması, stressin idarə olunması və akademik mühitə daha sağlam uyğunlaşması baxımından mühüm rol oynayır.

Müsahibənin tam versiyası aşağıdakı linkdə:

https://tehsil365.news/az/news/55952/