Xəzər Universitetinin nümayəndələri 2026-cı il martın 5-də SOCAR-ın Təbii Ehtiyatların Kəşfiyyatı (TEK)  Seqmentində seminarda  iştirak ediblər.

Seminarın əsas məqsədi TEK Seqmentinin apardığı müasir axtarış-kəşfiyyat işləri, karbohidrogen ehtiyatlarının qiymətləndirilmə strategiyaları və bu istiqamətdə sənayenin tələbləri ilə iştirakçıları tanış etmək olub. Seminarda TEK seqmentinin rəhbərliyi, mütəxəssisləri, Azərbaycan Dövlət Neft və Sənaye Universiteti (ADNSU), Bakı Ali Neft Məktəbi (BANM), Fransa- Azərbaycan Universiteti (UFAZ) və Xəzər Universitetinin rəhbərləri və tələbələri iştirak ediblər.  Tədbiri SOCAR-ın vitse-prezidenti Arzu Cavadova açaraq, perspektiv strukturların axtarış-kəşfiyyatı, yataqların qiymətləndirilməsi, karbohidrogen ehtiyatlarının idarə olunması məsələlərinə yeni yanaşmalar barədə iştirakçıları məlumatlandırıb.

Aparılan müasir islahatlar, görülən işlər və gələcək strategiyalar TEK Seqmentinin əməkdaşları Elvin Əhmədov, Elnur Ağatağıyev, Tural Əhmədov, Aytəkin İsmayılova və Sərvan Heydərli tərəfindən iştirakçıların nəzərinə çatdırılıb. Müzakirələrdən sonra iştirakçılar SOCAR-ın Neft muzeyində olublar.