“2019–2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı” çərçivəsində Azərbaycan Respublikası Elm və Təhsil Nazirliyi və Xəzər Universiteti ilə bağlanmış üçtərəfli müqavilə əsasında Fransanın Montpellier Universitetində təhsil alan doktorant Səbinə Ömərovanın iştirakı ilə 2026-cı il martın 5-də seminar təşkil olunub. Xəzər Universitetinin Təbiət elmləri, sənət və texnologiya yüksək təhsil fakültəsi və Həyat elmləri departamentinin təşkilatçılığı ilə keçirilən seminar “Brusella T4SS sisteminin yığılması və funksional fəaliyyətində zülal-zülal qarşılıqlı təsirlərinin rolu” (“Effect of protein–protein interactions in the Brucella T4SS assembly and function”)  mövzusuna həsr edilib.

Seminarda Brucella bakteriyasının xüsusiyyətləri və onun yaratdığı infeksiya mexanizmləri haqqında ətraflı məlumat verilib. Qeyd olunub ki, Brucella heyvanlardan insanlara keçə bilən və bruselyoz xəstəliyinə səbəb olan hüceyrədaxili patogen bakteriya cinsidir.

Seminarda Xəzər Universitetinin müəllim və tələbələri iştirak edib, mövzu ətrafında müzakirələr aparılıb və iştirakçıların sualları cavablandırılıb.