Ölkəmizin neft sənayesinin əsas problemlərindən biri olmuş Karbohidrogen ehtiyatlarının idarə olunması prosesi artıq yeni idarəetmə sistemlərinə transformasiya prosesindədir. Belə ki, Azərbaycanda karbohidrogen ehtiyatlarının hesablanması, uçotu və idarə olunması prosesi 1983-cü ilə malik sovet sistemindən Beynəlxalq sistem olan PRMS – “Petroleum Resources Management System”-nə (Karbohidrogen resurslarının idarə olunması sistemi) keçid prosesinə başlanmışdır. PRMS beynəlxalq layihələrdə karbohidrogen aktivlərini tanıdan sistemdir.

Xəzər Universitetinin Neft Mühəndisliyi Departamentində yuxarıda qeyd olunan sənaye tələblərinin qarşılanması məqsədilə bakalavriat və magistratura pillələrində yeni – Ehtiyatların idarə olunması (Reserve Management) fənninin tədrisinə başlanmışdır. Məqsədimiz müasir sənayenin tələblərinə uyğun mütəxəssislərin hazırlanmasıdır. Bu baxımdan sənaye müəssisələri ilə əlaqəli şəkildə olaraq, dərslər ölkəmizdə həmin sistemlərin təlimat və metodologiyalarına uyğun hazırlanmış metodik vəsaitlər əsasında tədris olunur. Fənn SOCAR-ın Yataqların qiymətləndirilməsi və karbohidrogen ehtiyatlarının idarə olunması şöbəsinin rəisi, Neft mühəndisliyi departamentinin müdiri, Dr. Elvin Əhmədov tərəfindən tədrisə başlanmışdır.