Xəzər Universitetinin rektoru Dr. Raziyə İsayeva və Elmi işlər üzrə prorektoru Dr. Ülkər İsayeva 2026-cı il martın 5-də Çin səfəri çərçivəsində Jiatong Universiteti Tibb fakültəsində  görüş keçiriblər. Görüşdə Tibb fakültəsinin təqdimatında  fakültənin fəaliyyəti, tədqiqat imkanları və akademik nailiyyətləri barədə ətraflı məlumat verilib.

Sonra nümayəndə heyəti Jiatong Universitetinin tibbi laboratoriyalarına  baş çəkərək,  tədqiqat və innovasiya imkanları ilə yaxından tanış olub.

Eyni zamanda, tələbə mübadiləsi, birgə tədqiqat layihələri və təqaüd proqramları kimi əməkdaşlıq imkanları müzakirə edilib.

Görüş zamanı, həmçinin, universitetlərin biotibbi tədqiqat imkanları barədə məlumatlar verilib,   qarşılıqlı təcrübə mübadiləsi və gələcək əməkdaşlıq perspektivləri vurğulanıb.

Sonda hədiyyələr təqdim olunub və  xatirə şəkilləri çəkilib.