Xəzər Universitetinin rektoru Dr. Raziyə İsayeva və Elmi işlər üzrə prorektoru Dr. Ülkər İsaeva 2026-cı il martın 4-də Fudan Universitetinin Çjantszyan (Zhangjiang) Yüksək Texnologiyalar Parkında olublar.

Nümayəndə heyəti Çjantszyan (Zhangjiang) Yüksək Texnologiyalı İnteqral Sxemlər və Biotibbi Parkın (Zhangjiang Hi-Tech Integrated Circuit and Biomedical Park) fəaliyyəti ilə yaxından tanış olub. Görüş zamanı parkın innovasiya infrastrukturu, yüksək texnologiyalar sahəsində tətbiq olunan müasir həllər və elmi-tədqiqat imkanları barədə ətraflı məlumat verilib.

Heyət, həmçinin, Çjantszyan Beynəlxalq Beyin Görüntüləməsi Mərkəzi (Zhangjiang International Brain Imaging Centre) və Qlobal Süni İntellekt İnnovativ İdarəetmə Mərkəzinə (Center for Global AI Innovative Governance) də baş çəkib. Burada  neyroelm, beyin görüntüləmə texnologiyaları, süni intellekt sahələrində aparılan tədqiqatlarla tanış olublar.

Qapalı formatda keçirilən dəyirmi masada  tədris əməkdaşlığı modelləri, birgə proqramların hazırlanması , həmçinin ,  birgə elmi-tədqiqat layihələrinin həyata keçirilməsi məsələləri müzakirə edilib, neyroelm və süni intellekt sahələrində əməkdaşlığa dair razılığa gəlinib.

Səfər Xəzər Universitetinin beynəlxalq əməkdaşlıq strategiyasının genişləndirilməsi və Asiyanın aparıcı innovasiya mərkəzləri ilə əlaqələrin gücləndirilməsi baxımından mühüm əhəmiyyət daşıyır.