Xəzər Universitetinin 35 illik yubiley tədbirləri  çərçivəsində  Dillər və ədəbiyyatlar,   Musiqi və incəsənət departamentlərinin birgə  təşkilatçılığı ilə 2026-cı il fevralın 25-də “Ömrün harasındayıq”adlı  poeziya və musiqi  gecəsi keçirilib.

Tədbir  Xəzər Universitetinin təsisçisi, Direktorlar və Qəyyumlar Şurasının sədri   Prof. Akad. Hamlet İsaxanlının bədii  yaradıcılığına həsr olunub.

Gecənin aparıcısı Dillər və ədəbiyyatlar departamentinin müəllimi  Dr.  Aygül  Qurbanova ilk sözü  Xəzər Universitetinin rektoru Dr. Raziyə  İsayevaya verib. Raziyə İsayeva belə görüşlərin “ Xəzər”  kollektivinin bir araya gəlib,  səmimi və duyğusal  anları  bölüşməsi, birlikdə şeir,  musiqi, nəğmə dinləməsi üçün əhəmiyyətini  xüsusi  vurğulayıb.

Xəzər Universitetinin  Kamera orkestrinin ifasında Hamlet İsaxanlının şeirlərinə bəstələnmiş “Karvan keçir”, “Fələyin işi”, “Dağlar darda qalıbdır” kimi  mahnılar oxunub.  Dillər və ədəbiyyatlar departamentinin əməkdaşları tərəfindən müəllifin  “Zaman”, “Deyirdim ki...”, “Ya sən ya heç” və “Çiçəkli çəmən”şeirləri səsləndirilib.

Humanitar, təhsil və sosial elmlər fakültəsinin dekanı  Dr.Milana  Abbasova isə  “Küçələrə su səpmişəm” xalq mahnısını  ifa edib.

İngilis dili və ədəbiyyatı departamentinin müəllimi Firəngiz Nəsirova Hamlet İsaxanlının ingilis və rus dillərində yazılmış  şeirlərindən etdiyi tərcümələrdən parçalar səsləndirib.

Sonda  Prof.Akad.  Hamlet İsaxanlı  tədbirin  təşkilatçılarına  təşəkkürünü bildirib.