Xəzər Universitetinin rektoru Dr. Raziyə İsayeva və Elmi işlər üzrə prorektoru Dr. Ülkər İsaeva 2026-cı il martın 2-də  Şanxay Jiaotong universitetində olublar.

Görüşdə Xəzər Universiteti və Şanxay Jiaotong Universiteti arasında strateji tərəfdaşlığın inkişafı, tədqiqat, innovasiya və akademik inkişaf sahələrində uzunmüddətli əməkdaşlıq imkanları müzakirə edilib. Eyni zamanda, birgə tədqiqat təşəbbüsləri, beynəlxalq akademik əlaqələr, gələcək əməkdaşlıq üçün atılacaq addımlarla bağlı universitet nümayəndələri ilə görüşlər baş tutub.

Sonra Xəzər Universitetinin nümayəndə heyəti Jiaotong Universitetinin Kompüter elmləri və mühəndislik fakültəsini və  Süni Ümumi Zəka İnstitutunu ziyarət ediblər. İnstitutun Süni intellekt, Koqnitiv mühəndislik laboratoriyalarının fəaliyyəti ilə yaxından tanış olan nümayəndə heyəti əməkdaşlarla görüş keçirərək, müzakirələr aparıblar.

Sonda hədiyyələr təqdim olunmuş, xatirə şəkilləri çəkilmişdir.