26 fevral 2026-cı il tarixində Tarix və Arxeologiya Departamentinin müdiri, dos. Telman Nüsrətoğlu Xocalı faciəsinin ildönümü ilə əlaqədar olaraq yerli televiziya kanallarına müsahibə verib.

O, ARB TV, AzTV və Baku TV kanallarında yayımlanan çıxışlarında 1992-ci il 26 fevral tarixində baş vermiş Xocalı soyqırımının tarixi, siyasi və hüquqi aspektləri barədə ətraflı məlumat verib.

Müsahibə zamanı dosent Telman Nüsrətoğlu bildirib ki, Xocalı faciəsi təkcə Azərbaycan xalqına qarşı deyil, bütövlükdə bəşəriyyətə qarşı törədilmiş ağır cinayətdir. O qeyd edib ki, hadisələrin beynəlxalq hüquq çərçivəsində qiymətləndirilməsi, faktların arxiv sənədləri və şahid ifadələri əsasında araşdırılması xüsusi əhəmiyyət daşıyır.