27 fevral 2026-cı il tarixində Tarix və Arxeologiya departamentinin müdiri, dos. Telman Nüsrətoğlu TRT AVAZ və Haber Global kanallarına  Türkoloji Qurultayın 100 illiyi ilə bağlı müsahibə vermişdir. Dos. Telman Nüsrətoğlu Türkoloji Qurultayın 100 illik yubileyinin əhəmiyyətindən danışıb. Departament müdiri qurultayın türk dünyasının elmi və mədəni inteqrasiyasında mühüm rol oynadığını vurğulayıb.

Dos. Telman Nüsrətoğlu qeyd edib ki, 1926-cı ildə Bakıda keçirilən I Türkoloji Qurultay türk xalqlarının ortaq dil, tarix və mədəni irsinin sistemli şəkildə araşdırılması baxımından dönüş nöqtəsi olub. Onun sözlərinə görə, həmin qurultayda qəbul edilən qərarlar sonrakı dövrdə türkoloji tədqiqatların inkişafına ciddi təkan verib.

Müsahibə zamanı bildirilib ki, 100 illik yubiley təkcə tarixi hadisənin xatırlanması deyil, həm də müasir dövrdə türk xalqları arasında elmi əməkdaşlığın gücləndirilməsi üçün yeni imkanlar yaradır.