Xəzər Universitetində universitet ilə Azerbaijan Poultry Company və Azerbaijan Fish Farm şirkətləri  arasında 2026-cı il fevralın 25-də  təhsil - sənaye əməkdaşlığına dair Anlaşma memorandumu imzalanıb. Sənəd ali təhsil ilə real istehsalat mühitinin inteqrasiyasını gücləndirmək, tətbiqi elmin inkişafını sürətləndirmək və yüksəkixtisaslı kadr hazırlığını təmin etmək məqsədi daşıyır.

İmzalanma mərasimində Xəzər Universitetinin təsisçisi, Direktorlar və Qəyyumlar Şurasının sədri, Prof.Akad. Hamlet İsaxanlı, universitetin rektoru Dr. Raziyə İsayeva, Azerbaijan Poultry Company və Azerbaijan Fish Farm şirkətlərinin rəhbəri Kənan Məmmədli, həmçinin universitetin prorektor,  dekan, akademik heyət üzvləri və şirkətlərin idarəçi , mütəxəssis heyəti iştirak ediblər.

Çıxışlarda qeyd edilib ki, aqrar və baytarlıq istiqamətlərində dayanıqlı və rəqabətqabiliyyətli inkişafın təmin olunması baxımından elm, təhsil və istehsalat arasında səmərəli əməkdaşlıq mexanizmlərinin qurulması xüsusi strateji önəm daşıyır. Memorandum çərçivəsində baytarlıq təbabəti, quşçuluq və akvakultura istiqamətlərində birgə elmi layihələrin icrası, müasir diaqnostik və idarəetmə mexanizmlərinin tətbiqi, tələbələrin istehsalat təcrübələrinin təşkili , ixtisasartırma proqramlarının həyata keçirilməsi nəzərdə tutulur.