DIRNA layihəsinin 4-cü iş paketi çərçivəsində tərəfdaş universitetlərin iştirakı ilə 2026-cı il fevralın 23-də növbəti  onlayn seminar keçirilib. Seminar Xəzər Universitetinin Kitabxana-İnformasiya Mərkəzinin direktoru Aytac Misgərlinin moderatorluğu ilə təşkil olunub.  Təlimçi qismində Jyväskylä Universitetinin (Finlandiya) nümayəndələri Kati Clements və Saana Mehtälä çıxış ediblər.

Seminarın mövzusu “Beynəlxalq repozitoriyalar, reytinqlər və tədqiqat maliyyələşdirilməsi: açıq tədqiqat təcrübələrinin beynəlxalq qrant və tərəfdaşlıqlara təsiri” olub. Seminar  çərçivəsində açıq elm prinsipləri, beynəlxalq nəşr standartları və elmi nəticələrin şəffaf şəkildə yayılmasının əhəmiyyəti müzakirə edilib.

Bundan əlavə , Avropa İttifaqının tədqiqat nəticələrinin açıq paylaşılması ilə bağlı tələbləri, FAİR məlumat idarəetmə prinsipləri, həmçinin ,  European Open Science Cloud və Open Research Europe platformaları barədə ətraflı məlumat təqdim olunub.  Milli səviyyədə istifadə edilən UFO portalı və elmi jurnal reytinqlərinin doktorantlar üçün əhəmiyyəti diqqətə çatdırılıb,  elmi nəşrlərlə bağlı əsas bibliometrik göstəricilər izah edilib.

İştirakçılar tərəfindən maraqla qarşılanan seminar mövzu ətrafında aparılan müzakirələr və sual-cavab sessiyası ilə yekunlaşıb.