Xəzər Universitetinin Memarlıq və dizayn departamentinin  müdiri Şəhla Abbasova Elm və Ali Təhsil üzrə Dövlət Agentliyinin sərəncamı ilə İnşaat Kollecinə  direktor təyin olunub və kollektivə təqdim olunub.

Şəhla Abbasova Azərbaycan Memarlıq və İnşaat Universitetində memarlıq sahəsi üzrə bakalavriat, magistratura və doktorantura təhsili alıb, “Memarlıq” üzrə fəlsəfə doktorudur. O, müxtəlif illərdə Azərbaycan Memarlıq və İnşaat Universitetində müəllim, assistent, dosent, həmçinin Türkiyənin Mehmet Akif Ersoy Universitetində dosent olaraq fəaliyyət göstərib.

Qeyd edək ki, Ş. Abbasova 2022-ci ildən son təyinatadək Xəzər Universitetinin Memarlıq və dizayn departamentinin müdiri vəzifəsində çalışıb, yerli və beynəlxalq elmi jurnallarda və konfranslarda bir sıra məqalələrlə çıxış edib. 

Bəzi saytlar bu barədə xəbər  yayımlayıb.

https://qafqazinfo.az/news/detail/insaat-kollecine-yeni-direktor-teyin-olundu-499303