Xəzər Universitetinin Siyasi Elmlər və Fəlsəfə Departamentinin müdiri Dos. Orxan Vəliyev və doktorant Burcu Temürun müəllifi olduğu “Tarixin milli dövlət üçün zəruriliyi: Qarabağ nümunəsi” (“Tarihin Ulus Devlet İçin Gerekliliği: Karabağ Örneği”) adlı məqalə “TESAM Akademi” jurnalında (18 fevral, 2026-cı il, Vol. 13, No 1) dərc olunmuşdur.

“TESAM Akademi Dergisi” TESAM İqtisadi, Siyasi və Strateji Araşdırmalar Mərkəzi tərəfindən ildə iki dəfə (yanvar–iyul) nəşr olunur və siyasi elmlər, iqtisadiyyat, xarici siyasət və sosiologiya sahələrində orijinal və yenilikçi tədqiqatları təqdim edən, resenziyalı akademik jurnal kimi fəaliyyət göstərir.

Dos. Orxan Vəliyev və Burcu Temür məqalədə modernist millətçilik nəzəriyyəsi çərçivəsində milli dövlət quruculuğunda tarixin rolunu Qarabağ nümunəsi əsasında izah edirlər. Müəlliflər Rusiyanın bölgədə apardığı siyasətin yaratdığı demoqrafik dəyişiklikləri və bunun Ermənistan millətçiliyinin iddialarına təsirini araşdıraraq, Qarabağ müharibəsində Azərbaycan millətçiliyinin uğurunu tarixi reallıqlarla əlaqələndirirlər.

Məqaləyə keçid: TESAM Akademi Dergisi » Makale » Tarihin Ulus Devlet İçin Gerekliliği: Karabağ Örneği