2026-cı il fevralın 17-də Xəzər Universitetinin Psixologiya Tədqiqat Mərkəzinin əməkdaşı, Dövlət Proqramı qalibi, İsveçrənin Zurih Universitetinin neyroelm sahəsi üzrə tədqiqatçı-müəllimi Dr. Elxan Yusifovun təqdimatı ilə “Sinir sistemi xəstəliklərinin neyroelmdə müasir tədqiqat metodları” mövzusunda seminar keçirilmişdir. Tədbirdə Xəzər Universitetinin müəllimləri,  psixoloq məzunları və tələbələr iştirak etmişdir.

Seminarda Dr. Elxan Yusifov neyroelm sahəsində müasir tədqiqat metodlarını təqdim etmişdir. O, xüsusilə sinir sistemi xəstəliklərinin öyrənilməsində tətbiq olunan innovativ yanaşmalar və qabaqcıl texnologiyaların əhəmiyyətini vurğulamışdır. Təqdimatda həmçinin neyroelm sahəsində əldə olunan son nəticələr və onların klinik tətbiqləri haqqında məlumat verilmişdir. Dr. Elxan Yusifov tədqiqat prosesində kritik düşüncənin və elmi metodologiyanın rolunu xüsusi olaraq qeyd etmişdir. O, gənc tədqiqatçılara elmi eksperimentlərin düzgün qurulması və nəticələrin obyektiv təhlili ilə bağlı praktik tövsiyələr vermişdir. Seminar iştirakçıları, həmçinin, məlumatların toplanması, analiz edilməsi və interpretasiyası ilə bağlı metodik yanaşmaları öyrənmişlər Təqdimat zamanı tədqiqatçı laboratoriya təcrübələrinin və neyrotexnologiyaların tətbiqi nümunələrini də paylaşmışdır. Ümumilikdə, seminar həm nəzəri biliklərin, həm də praktik bacarıqların inkişafına yönəlmişdir.

Seminar interaktiv şəkildə təşkil olunmuş, iştirakçılar öz suallarını ünvanlayaraq mövzunu geniş müzakirə etmək imkanı əldə etmişlər.