Türkiyənin Bayburt Üniversiteti və Azərbaycan Respublikasının Qars Baş Konsulluğunun təşkilatçılığı ilə 2026-cı il fevralın 17-də Bayburt Universitetində “Azərbaycan–Türkiyə münasibətlərinin tarixi və gələcəyi” mövzusunda beynəlxalq konfrans keçirilib.

 Akademik səviyyədə təşkil olunan tədbirdə iki qardaş ölkə arasındakı münasibətlərin tarixi, siyasi və geosiyasi əsasları geniş müzakirə olunub, “Bir millət, iki dövlət” konsepsiyasının yalnız siyasi şüar deyil, dərin tarixi köklərə söykənən sarsılmaz birlik modeli olduğu vurğulanıb.

Konfransda Xəzər Universitetinin Tarix və arxeologiya departamentinin müdiri Dosş Telman Nüsrətoğlu “Tarixi sənədlər əsasında Azərbaycan–Türkiyə qardaşlığı” mövzusunda məruzə ilə çıxış edib. Məruzədə arxiv sənədləri və zəngin tarixi mənbələr əsasında Azərbaycan –Türkiyə münasibətlərinin xüsusilə çətin və mürəkkəb dövrlərdə daha da möhkəmləndiyini, qarşılıqlı dəstək və həmrəyliyin sarsılmaz birliyə çevrildiyini elmi faktlarla əsaslandırılıb.

Konfrans çərçivəsində Türk İşbirliyi ve Koordinasiya Agentliyi Başqanlığının (TİKA) dəstəyi ilə Xəzər Universiteti tərəfindən nəşr olunan “Nargində Osmanlı əsirləri və Azərbaycan türklərinin əsirlərə yardımları”  kitabı Bayburt Universitetinin rektoruna təqdim olunduqdan sonra, universitetin kitabxanasına hədiyyə edilib. Nəşrdə Birinci Dünya müharibəsi dövründə Nargin adasında saxlanılan Osmanlı əsirlərinə Azərbaycan türklərinin göstərdiyi humanitar yardım arxiv sənədləri əsasında işıqlandırılır.