2026-cı il fevralın 11-də Xəzər Universitetinin Siyasi elmlər və Fəlsəfə departamentinin müdiri Dos. Orxan Vəliyev Bolqarıstanın “Standart (Стандарт)” kanalına müsahibə verib.

Müsahibə zamanı Dos. Vəliyev Türkiyə ilə Azərbaycanın enerji əməkdaşlığının artıq sadəcə iqtisadi deyil, strateji və geosiyasi mərhələyə keçdiyini vurğulayıb. O qeyd edib ki, Trans-Anadolu qaz kəməri (TANAP) və Trans-Adriatik boru kəməri (TAP) kimi layihələr Türkiyəni tranzit ölkədən regional enerji mərkəzinə çevirir, Azərbaycanı isə Avropa üçün etibarlı və alternativ qaz təchizatçısı kimi möhkəmləndirir.

Bununla yanaşı, o bildirib ki, Zəngəzur dəhlizi layihəsi reallaşarsa, Cənubi Qafqazın geoiqtisadi və geosiyasi rolu daha da artacaq, Türkiyə və Azərbaycanın Avropanın enerji təhlükəsizliyindəki mövqeyi güclənəcək.

Keçid: Турция и Азербайджан пренареждат енергийната карта на Европа - Свят — Новини Стандарт