Bakı, Azərbaycan – 2026-cı il fevralın 16-da Rəqəmsal İnkişaf və Nəqliyyat Nazirliyi, Elm və Təhsil Nazirliyi, İnnovasiya və Rəqəmsal İnkişaf Agentliyi, Elm və Ali Təhsil üzrə Dövlət Agentliyi və “Ironhack”  beynəlxalq tədris şirkətinin əməkdaşlığı ilə “IT SkillSprint” adlı intensiv təhsil proqramının açılış mərasimi keçirilib.

Açılış mərasimində Xəzər Universitetinin rektoru Dr. Raziyə İsayeva iştirak etmişdir.

Tədbirdə İRİA İdarə Heyətinin sədri Fərid Osmanov, Elm və Ali Təhsil üzrə Dövlət Agentliyinin sədri Ülkər Səttarova və “Ironhack” şirkətinin direktoru Gonzalo Manrique Sabatel çıxış edərək,

layihənin gənclərin müasir və beynəlxalq səviyyədə rəqabət qabiliyyətli bacarıqlara yiyələnməsi, rəqəmsal iqtisadiyyatın çağırışlarına uyğun şəkildə ölkədə informasiya texnologiyaları sahəsində peşəkar insan kapitalının yetişdirilməsi məqsədi daşıdığını vurğulayıblar. Proqram ilkin mərhələdə 123 tələbəni əhatə edir.

Xəzər Universitetinin 13 tələbəsi seçim prosesindən uğurla keçərək, proqramda iştirak hüququ qazanmışdır.