“2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı” çərçivəsində 2026-cı il fevralın12-də Azərbaycan Respublikası Elm və Təhsil Nazirliyi və Xəzər Universiteti ilə üçtərəfli müqavilə əsasında Bristol Universitetində (İngiltərə) “Təhsilin idarəedilməsi” ixtisası üzrə doktorantura təhsili alan doktorant Aynur Məmmədova-Dadaşova tərəfindən konfrans posterlərinin yüksək təsir gücü ilə hazırlanmasına dair praktik seminar təşkil olunub.

Seminarda güclü tədqiqat məzmununun effektiv vizual dizaynla birləşdirilməsi yolları, eləcə də konfranslarda münsiflərin diqqət yetirdiyi əsas meyarlar British Educational Research Association (BERA) tərəfindən mükafata layiq görülmüş  poster nümunəsi əsasında izah edilib.

Seminarda, həmçinin, aydınlıq və əlçatanlıq üçün dizayn prinsipləri, eləcə də  beş dəqiqəlik poster təqdimatının səmərəli qurulması üsulları müzakirə olunub. Doktorant Aynur Məmmədova - Dadaşova iştirakçılara e-poster və çap formatı üzrə praktik tövsiyələr, auditoriya ilə effektiv ünsiyyət strategiyaları və posterin tam hazır vəziyyətə gətirilməsi üçün  yoxlama siyahısı təqdim edib.