İngilis dili və ədəbiyyatı departamentinin təşkilatçılığı ilə fevralın 10-11-də ingilis dili müəllimləri üçün ikigünlük seminar keçirilib. Seminara Fulbrayt təqaüdçüsü, Taylor Universitetinin köməkçi professoru Nensi Akles rəhbərlik edib.

Fevralın 10-da keçirilən ilk sessiyanın mövzusu "Analitik, yaradıcı və elmi təfəkkürün inkişafı üçün sual şablonlarından istifadə" olub. Bu sessiya zamanı iştirakçılar yüksək səviyyəli təfəkkür bacarıqlarını və sinif daxilində aktiv iştirakı təşviq edən effektiv sualların tərtib edilməsi üzrə praktiki strategiyaları öyrəniblər.

Fevralın 11-də keçirilən ikinci sessiyanın mövzusu "Qiymətləndirmədə aydınlığın təmin edilməsi və təhsilin keyfiyyətinin artırılması üçün rubrikalardan istifadə" olub. İştirakçılar şəffaflığın təkmilləşdirilməsi, tələbələrin inkişafının dəstəklənməsi və ümumi təhsil nəticələrinin yaxşılaşdırılması məqsədilə aydın qiymətləndirmə rubrikalarının hazırlanması və tətbiqi barədə məlumat əldə ediblər.

Müəllimlər seminar mövzularına böyük maraq göstəriblər və müzakirələrdə fəal iştirak edərək, öz təcrübələrini və sinif daxilində tətbiq etdikləri üsulları bölüşüblər.