2026-cı il fevralın 6-da Daşkənd İqtisadiyyat və Pedaqoji Universitetinin Beynəlxalq əməkdaşlıq, tədqiqat və innovasiya üzrə prorektoru prof. Marufjon Yuldaşev, Dillər və ibtidai təhsil fakültəsinin dekanı Dos. Zubeyda Şarapova, Pedaqoqika kafedrasının dosenti Abdujalilova Şoira elmi məzuniyyət çərçivəsində   Xəzər Universitetinin Dillər və ədəbiyyatlar departamentinin müdiri Dos. Dilbər Zeynalova ilə görüşüblər. Sonra görüş geniş tərkibdə departamentin əməkdaşlarının iştirakı ilə müzakirə formatında davam edib.

 Müzakirələrdə universitetlər arasında elmi əlaqələrin yaradılması, birgə tədqiqatların aparılması, alimlərin və gənc tədqiqatçıların qarşılıqlı elmi səfərlərinin təşkili, eləcə də universitetlərarası əməkdaşlıq və mübadilə imkanları ətrafında fikir mübadiləsi aparılıb. Bununla yanaşı, gənc tədqiqatçılar üçün birgə yay məktəbinin təşkili, elmi seminar və təlim proqramlarının keçirilməsi perspektivləri də diqqət mərkəzində olub.

Sonda tərəflər gələcəkdə əməkdaşlığın daha da genişləndirilməsi, ortaq elmi layihələrin həyata keçirilməsi və türkologiya sahəsində birgə fəaliyyətlərin davam etdirilməsinin vacibliyini vurğulayıblar.