Xəzər Universiteti Psixologiya departamentinin müəllimi Dr. Gülşən Əliyeva və III kurs tələbələri Sədaqət Məcidli, Sədaqət Məmmədova və Gülay Məmmədovanın təşviş pozuntularının aradan qaldırılmasında koqnitiv-davranış terapiyasının effektivliyinin öyrənilməsinə həsr edilmiş “Koqnitiv-davranış terapiyasının (KDT) müxtəlif təşviş pozuntularında təşviş simptomlarını azaltmada effektivliyi mövzusunda müqayisəli sistematik ədəbiyyat icmalı” adlı birgə məqaləsi Kanadanın “International Journal of Innovative Technologies in Social Science” jurnalının 2026-cı il 1(49) sayında nəşr edilmişdir.

Müəlliflər müxtəlif təşviş pozuntularında KDT-nin nəticələrini nəzarət qrupları və alternativ müalicələrlə müqayisə edərək elmi ədəbiyyatı təhlil ediblər. İcmalda KDT-nin geniş tətbiq sahəsi, onun simptomların yüngülləşdirilməsində sabit və güclü təsiri, həmçinin digər müalicə üsullarına nisbətən üstünlükləri vurğulanır. Nəticələr göstərir ki, KDT təşviş pozuntularının müalicəsində ən çox tövsiyə olunan psixoloji yanaşmalardan biridir.

Jurnal və məqalənin tam mətni aşağıdakı linkdə:

https://rsglobal.pl/index.php/ijitss/article/view/4602/3526