Xəzər Universitetinin Humanitar, təhsil və sosial elmlər fakültəsinin dekanı Dr. Milana Abbasova, İngilis dili və ədəbiyyatı departamentinin əməkdaşı Dr. Muhammad İmran və doktorant Elcan Səlimli Scopus Q2 bazasına daxil olan “Open Cultural Studies” jurnalında məqalə dərc etdiriblər. Məqalə “İngilis-fransız yumorunda dillərin çarpazlaşmasının yenidən formatlaşdırılması: janr əsaslı müqayisəli tədqiqat” (Reframing Code-Switching in Anglo-French Humour: A Genre-Based Comparative Study) adlanır.

Tədqiqat ingilis-fransız ikidilli yumorunun üç fərqli janrında – komediya filmi, “stəndap” şousu və ikidilli zarafatlarda dillərin çarpazlaşması hadisəsinin rolunu araşdırır. Bu tədqiqat az öyrənilmiş ingilis-fransız yumoruna töhfə verir və vurğulayır ki, dillərin çarpazlaşması hadisəsinin ənənəvi funksional modelləri təsnifat aparmaq üçün faydalı olsa da, janrın bu modellərə proqnozlaşdırıcı və izahedici faktor kimi daxil edilməsi ikidilli yumorun daha dərindən anlaşılmasını təmin edir.

Məqalə ilə bu link vasitəsilə tanış olmaq mümkündür: https://www.degruyterbrill.com/document/doi/10.1515/culture-2025-0091/html